/1917-1986/. Өвөрхангай аймгийн Нарийнтээл сум. МУЭ-ийн хорооны уран зураач байхдаа  Ардын зураач /1978-03-16. №63/, урлагийн гавьяат зүтгэлтэн /1965-06-30. №136/.
    Өвөрхангай аймгийн Уянга сумын гар үйлдвэрийн артельд 1936-1940 онд мужаан, гуталчин, цутгамалчин, мастер, Хилийн ба дотоодын цэргийн дуу бүжгийн чуулгад 1940-1953 байлдагч, бага дарга, тасгийн туслах, Улсын цагдан сэргийлэх ерөнхий газарт 1953-1956 онд клубын эрхлэгч, Улсын төв музейд 1956-1962 онд тайлбарлагч, зураач, Монголын урчуудын эвлэлийн хороонд 1962-1978 зураачаар ажиллаад насны тэтгэвэрт гарчээ. “Ард аюуш”, “Улиастайн цэргийн бослого”, “Сүүлчийн хэрэм”, “Чингүнжав”, “Шинэ төрийн эзэд”, “Монголын төлөөлөгчид В.И.Ленинд бараалхсан нь”, “Түр цагийн хурал” зэрэг түүхэн, “Хар буур”, “Уулзалт” гэхчилэн аж байдлын сэдэвт олон шилдэг бүтээл туурвиж, сийлбэр, оёмол, хатгамал, торгон зургийн эх загварыг зохиож орчин үеийн Монголын дүрслэх урлагт монгол зураг, чимэглэх урлагийн бүтээлүүдээрээ үнэтэй хувь нэмэр оруулсан байна. “Алтан гадас” одон, Хөдөлмөрийн хүндэт медаль, бусад медалиуд, МУЭ-ийн нэрэмжит шагналаар шагнагджээ.

Нэмсэн Үзэлт Нэмэгдсэн chnergui 3,124 14/03/2012 Найздаа илгээх Таны нэр: Таны имэйл хаяг: Хүлээн авагчийн имэйл хаяг:

Үнэлэх Нэвтрэнэ үү Үнэлгээ (0)